جراد (الفلول) يجتاح الوطن ...........؟؟؟؟

جراد (الفلول) يجتاح الوطن ...........؟؟؟؟
************
بقلم/ايهاب السوهاجى
يديك الهنا دلوقتى اصبحت اصوات الفلول اعلى واكثر ضجيجا من ذى قبل واصبحوا يتحدثون ببجاحه وقال ايه ليهم وش يتكلموا (ممكن تكون دى من انجازات ثورتنا اننا منحنا حريه لمن كفروا بها) المهم المشكله ان الواحد حاسس ان النظام اطلق عليه هذا الوابل من الفلول بالظبط زى هجوم الجراد على مصر.
هناك اشخاص من مصلحتهم وكل املهم وامانيهم اننا نكفر بالثورة ونلعن ام اليوم اللى قلنا فيه يا ثورة ... طاب الناس والشعب هيعملوا ايه اكتر من كده ثورة وقامت وقيادات وذهبت ومبارك وبعض رجاله غاروا ...وبعد ده كله مفيش تغيير يبقى كده يا اما العيب مش فى مبارك يا عينى واحنا ظالمين الراجل يا اما العيب فى مبارك واللى جه بعد مبارك كمان يا اما الاحتمال الثالث وهو العيب فينا نحن بقى وده احتمال كبير .. يبقى مش باقى غير نغير الشعب بقى ...لقد كنت ولا ازال اكتب مرارا وتكرارا عن فشل حكومة المهندس عصام شرف وانها لم تحقق ولم تلبى طموحات الشعب والدليل على ذلك حجم الاضرابات المنتشر فى كل مكان ده بخلاف عدم عودة الامن والامان ودى مشكلة المشاكل ولغز كبير ..عايزين نعرف يا جماعه هو جهاز الشرطه وامن الدوله عملوا انقلاب على البلد والا ايه... انسحاب الشرطه فى 28 يناير يسير العديد من علامات الاستفام وغياب الشرطه الى الان وعدم تواجدها بالشكل المناسب يثير اكثر هذه العلامات ... طاب بالله عليكم يا جماعه على كده تبقى حكومة شرف فاشله والا مش فاشله ... لا فى امن ولا فيه عداله اجتماعيه ولا فيه استقرار اسعار ولا فيه صراحه ووضوح انا شايف على الحال ده ان الناس دى وهذا النظام مشوه المعالم والرؤيه فلا هو ظاهر عليه انه قياده ثوريه ولا حتى قياده انتقاليه وكل ما يميزه انه لا يزال يقاد قياده مباركيه ... اعتقد على هذا الحال وكما قلت سابقا مرارا وتكرارا ان حكومة عصام شرف هى حكومة (الثورة المضاده) وللاسف اصبحت اصوات هذه الثورة المضاده هى الاعلى والايرز والاكثر ضجيجا ... لقد قلت من قبل ليس مقبولا ان يتحول المجلس العسكرى على ان يقتصر دوره الى مجرد (محلل) يسلم السلطه لقياده منتخبه ويجب عليه وعلى حكومته ان يلبوا مطالب الثورة والشعب لانه اصلا عندما تجرى الانتخابات فتلك نهاية الثورة وسوف تنتهى الشرعيه الثوريه لتحل بدلا منها الشرعيه الدستوريه والانتخابيه (اللى كانت هى موجوده ايام مبارك) ولا تصدق او تنتظر او تعتقد ان الانتخابات ستخقق مطالب الثورة لان هذا الراى لا يصدقه الا المغفلون فقط (مع كامل احترامى لكل المغفلين)..

[ندعوك للتسجيل في المنتدى أو التعريف بنفسك لمعاينة هذه الصورة]