النهارده تم الاعتراف بفلسطين عضوا كاملا زيها زي باقي الدول

النهارده تم الاعتراف بفلسطين عضوا كاملا زيها زي باقي الدول في في منظمة اليونسكو أحد أهم وكالات الأمم المتحدة الرئيسية وده حيكونله تبعات مهمة على حق الفلسطينيين دوليا في المقدسات وفي التصويت على عضويتها في الأمم المتحدة بعد كده. بغض النظر عن الخلاف حوالين أفضل الوسائل لتحرير فلسطين، التصويت ده من المؤكد إنه انتصار لينا لأنه بيوضح قد إيه التحالف الدولي التابع لإسرائيل بقى ضعيف وقد إيه الشرعية الدولية اللي كانت بتحمي الجرائم الإسرائيلية أصبحت ضعيفة. ومهم جدا تسجيل الانتصار ده في صراع طويل المدى زي الصراع على فلسطين. وإن شاء الله مصر حتكون عامل إيجابي عشان حقوق الفلسطينيين بعد ما كانت مجرد تابع للسياسة الإسرائيلية لفترة طويلة.