منتديات دنيا تكس
عزيزي الزائر / عزيزتي الزائرة

يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك



شكرا

ادارة المنتدي دنـيا تـكس



 
الرئيسيةحركة شباب جرجاالتسجيلدخول

شاطر | 
 

 لما في مجتمع ! اخلاق البنت بلبسها مش بالرباية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد بركات
المدير العام
المدير العام
avatar

الجنس : ذكر

عدد المساهمات عدد المساهمات : 703

تاريخ التسجيل : 26/06/2010

العمر : 40

الموقع الموقع : http://m1970live.yoo7.com


26012013
مُساهمةلما في مجتمع ! اخلاق البنت بلبسها مش بالرباية

لما في مجتمع ! اخلاق البنت بلبسها مش بالرباية ...
ولما يعروها !! تبقي المشكلة كانت اصلا قي العباية
وشاب مش لاقي الجواز واخد لمسنا هواية
وكأنه بيلم حقه اللي طار من اجسامنا بالجباية
وكلام ولمس واغتصاب وسكة قرف ملهاش نهاية
ولما اشتكي رخصي يردوا ان دي مجرد بداية
لتأديب سفالتك وانفلاتك واحترافك للغواية
ابقي انا اصلا حرام

ولما بنت مثال شرف, ادب وعفة والتزام
وتبقي عارفة بظرفها ومشيها تجبرك ع الاحترام
ويجي حيوان سايقه جوعه يمد ايده يشدها !!
ولما تشكي تقول ده حقي يقولوا كسر حُقها
وانك اصلا سايبة شعرك وده منك كان الانتقام
واما نتكلم تخنعي وقدامنا ينقرض الكلام
واما يقولوا دي بت ناقصةوبشعرها ونزولها حرام
ابقي انا اصلا حرام

لما جسمي يكون للخلايق في الشوارع مشاع
ولما شيخ يطلع يهرتل !! في الكباسين والبتاع
ولما هايج يمتلكني في مخه وفيا اشتري وباع
ويفتكر بمرض خياله انه واخدني عن رضا واقتناع
مافرقش سني ولا شكلي وكنت له عبد سمع وطاع
وفي الاخر حكموا ناسي اني مذنبة بالاجماع
وان انا اصل المشكلة مش اللي للداء اشاع
ابقي انا اصلا حرام

طب محجبة وفي كل حتة مؤدبة ومتدينة
ماشية في امان ربها بنت في حالها زينا
اترمي في سكتها مدمن,شافها قال يادي الهنا
واستباح جسمها عادي..قال بتاعتنا كلنا
واتكسرت جواها روحها!! المحجبة المتدينة
واللي كسرها ماهايتحاسب وبرضه هايفضل هنا
ولما يجي يفترسني برضه يفضل المشكل … انا
ابقي انا اصلا حرام

لما تتقمع حريتي وبالدراع ياخدوا حقوقي
ولما اطالب باللي رايح في الدرا يتقاللي فوقي
وكل شيخ دينه يوزه يقوم يطلع بنعله فوقي
اصرخ انجدوا باقيا .. واللي فاضل من شروقي
الحقوا شمسي اللي كانت ناوية تصالح شقوقي
وحتي لما يأفلموني ويحوروا في ادبي وذوقي
ويمنوا عليّ بعربية بايظة كأني باشحت ويقولوا سوقي
ابقي انا اصلا حرام

اما اكون كفرانة دايما ومن حياتي اتقرف
اتعب واحاول..برضه المجتمع مش معترف
ومتحرش يلمس …... ايه!فجأة بقينا بنتكسف !!
اشمعنا مشهد تعريتي من التاريخ مايتحذف
واشكال غريبة في الشوارع عمالة علينا بتتحدف
واما اقدم فيه بلاغ عشان للدنيا يظهر ويتعرف
وفي الاخر انا اللي كافرة وعن ادابي بانحرف
ابقي انا اصلا حرام

ومن غلبي قررت انزل و ع الظلم اثور
وابقي ايجابية في بلدي ويكونلي دور
اتبهدلت واتشتمت واخرها يلمسني تور
ايده سايبة وغيره ساعده,خدوني بالدور
ومهما اصوت يتبت ويقوللي برضه مش هاغور
نفسي يفهم ان دي مش جنة واحنا مش الحور
ويجي هو هو في الاخر بالفجر يتهمني زور
ابقي انا اصلا .. حراااام

جعان ياسيدي وتعبان مفيش ليك دوا
قال يعني لما تلمسني كده عطشك ارتوي
ارتحت انت وسبتني بالرخص جسمي اتكوي
يا اخي ملعون ضميرك اللي في الركن انطوي
ملعونة ثمرة رجولتك اللي نسيت تستوي
بس المهم ولا واحد جنب اختك يستجري يقرب
انما اغتصابي عادي و لمسي وان وشي يبان حرام
ابقي انا وكل اللي قولته ده … حرام




















الرجوع الى أعلى الصفحة اذهب الى الأسفل
http://m1970live.yoo7.com
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

لما في مجتمع ! اخلاق البنت بلبسها مش بالرباية :: تعاليق

لا يوجد حالياً أي تعليق
 

لما في مجتمع ! اخلاق البنت بلبسها مش بالرباية

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دنيا تكس :: قسم جمعية شباب جرجا‏ المشهرة برقم 1217 لسنة 2012 :: مبادرات جمعية شباب جرجا المشهرة برقم 1217 لسنة 2012 :: معا ضد التحرش حملة جمعية شباب جرجا للتنمية-
انتقل الى:  
أختر لغة المنتدى من هنا
أختر لغة المنتدى من هنا
على الفيس بوك
بتوقيت (Cairo)
جميع الحقوق محفوظة لـمنتديات دنيا تكس
 حقوق الطبع والنشر لدنيا تكس©2011 - 2010 جميع المشاركات والمواضيع في منتدى دنـــيا تكــــس لا تعبر بالضرورة عن رأي إدارته بل تمثل وجهة نظر كاتبها ®m1970live.yoo7.com
أخر المواضيع
<div style="background-color: #37bfa4;"><a href="http://www.rsspump.com/?web_widget/rss_ticker/news_widget" title="News Widget">News Widget</a></div>
ديوان عروس القدس - للشاعر ناصر بن جرجا